«ԱՄՆ-ն կարող է պատժամիջոցներ կիրառել ՌԴ-ի նկատմամբ, եթե Ուկրաինայի հարցում համաձայնություն չլինի»․ Թրամփ

ԱՄՆ նախագահ Դոնալդ Թրամփը Fox News-ին տված հարցազրույցում չի բացառել Ռուսաստանի Դաշնության դեմ նոր «ավերիչ» պատժամիջոցների կիրառումը Ուկրաինայի հարցով համաձայնագրի բացակայության դեպքում։

Նա ասաց, որ թույլ կտա նման զարգացում, «եթե համաձայնագիր չլինի»։

«Ժամանակն է կտրատել հնդկահավը։ Կտեսնենք՝ ինչ կլինի», - ասաց Սպիտակ տան տերը։

Նա նաև ասել է, որ Միացյալ Նահանգների կողմից նոր պատժամիջոցների սահմանումը «կկործանարար լինի Ռուսաստանի համար»։ Թրամփի խոսքով՝ Ռուսաստանը «ներկայումս գտնվում է դժվարին տնտեսական իրավիճակում, նավթի գինը ցածր է»։
Հիշեցնենք՝ մայիսի 16-ին Ստամբուլում տեղի ունեցան Ռուսաստանի և Ուկրաինայի ներկայացուցիչների միջև ուղիղ բանակցություններ։ Իր եզրափակիչ հայտարարության մեջ ռուսական պատվիրակության ղեկավար, Ռուսաստանի նախագահի օգնական Վլադիմիր Մեդինսկին ասել է, որ Մոսկվան «բավարարված է» բանակցություններից։ Նա նաև հայտնել է, որ կողմերը համաձայնության են եկել գերիների փոխանակում կատարել «1000-ը 1000-ի դիմաց» ձևաչափով։ Ուկրաինական պատվիրակությունը խնդրել է երկու պետությունների ղեկավարների միջև ուղիղ բանակցություններ անցկացնել, և ռուսական կողմը «ի գիտություն է ընդունել խնդրանքը»։