«Առաջին անգամ Հայաստանը ներկայացուցիչ կունենա մարզական զույգերի անվանակարգում»․ Գեղասահքի ֆեդերացիա

1459

Կիրակի, 18 մայիսի, 2025 թ., 01:30

Ռուսաստանի Դաշնության Գեղասահքի ֆեդերացիան պաշտոնապես հաստատել է Կարինա Ակոպովա և Նիկիտա Ռախմանին մարզական զույգի անցումը Հայաստանի Գեղասահքի ֆեդերացիայի հավաքական թիմ։
Այսուհետ զույգը միջազգային մրցաշարերում ներկայացնելու է Հայաստանը։ Այս մասին հայտնում է Գեղասահքի ֆեդերացիան։
«Այս լուրը պատմական նշանակություն ունի՝ ոչ միայն այն առումով, որ առաջին անգամ Հայաստանը կունենա ներկայացուցիչ մարզական զույգերի անվանակարգում, այլև այն փաստով, որ մեծ հավանականությամբ Ակոպովա/Ռախմանին զույգը, մասնակցելով Պեկինում կայանալիք վարկանիշային մրցաշարին, կարող է նվաճել ուղեգիր դեպի Միլան-Կորտինա 2026 թվականի Օլիմպիական խաղերը։
Առաջ, Հայաստան։
Հաջողություն մաղթենք մեր նոր՝ գեղասահքի հայկական մարզական զույգին»,- հայտնել է Գեղասահքի ֆեդերացիան։

Աղբյուրը` ՀՀ Գեղասահքի ֆեդերացիա