Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Չենք կարծում, որ բանակցություններն արդյունավետ կլինեն»․ Խամենեի

«Չենք կարծում, որ բանակցություններն արդյունավետ կլինեն»․ Խամենեի
620
Երեքշաբթի, 20 մայիսի, 2025 թ., 13:52

Իրանի Գերագույն առաջնորդ այաթոլլահ Ալի Խամենեին կասկած է հայտնել Թեհրանի միջուկային ծրագրի շուրջ ստեղծված ճգնաժամը կարգավորելու համար Միացյալ Նահանգների հետ բանակցությունների արդյունավետության վերաբերյալ։

«Ե՛վ այն ժամանակ (Իրանի նախորդ նախագահ Էբրահիմ Ռաիսիի օրոք), և՛ հիմա, բանակցությունները եղել են միջնորդավորված, թեև՝ ապարդյուն։ Եվ հիմա մենք չենք կարծում, որ դրանք որևէ արդյունքի կհանգեցնեն։ Անհասկանալի է, թե ինչ կլինի հետո»,- Խամենիի խոսքերն է մեջբերել նրա մամուլի ծառայությունը։

Ավելի վաղ հաղորդվել է, որ Իրանը ԱՄՆ-ի հետ բանակցությունների նոր փուլի առաջարկ է ստացել։

Իրանի միջուկային ծրագրի շուրջ ԱՄՆ-Իրան անուղղակի բանակցություններն սկսվել են ապրիլի 12-ից։ Մինչ օրս բանակցությունների 4 փուլ է անցկացվել։