Արաբ պատգամավորը բռնի ուժով հեռացվել է Իսրայելի խորհրդարանից

1066

Ուրբաթ, 23 մայիսի, 2025 թ., 13:34

Իսրայելի խորհրդարանի արաբ պատգամավոր Այման Օդեհը բռնի ուժով հեռացվել է Քնեսեթի դահլիճից՝ Գազայում պատերազմի կոշտ քննադատությունից հետո։

«Դուք պատկերացում անգամ չունեք՝ որքան թույլ եք։ Դուք շատ թույլ եք։ Մեկուկես տարվա պատերազմ, 19 հազար սպանված երեխաներ, 53 հազար զոհ, դուք ոչնչացրել եք բոլոր համալսարանները, բոլոր հիվանդանոցները և քաղաքական որևէ հաղթանակ ձեռք չեք բերել։ Դուք ինքներդ եք զգում, որ այն չկա, ու դրանից խելագարվում եք։ Միայն մահ ու ավերածություն, միայն պատերազմ խաղաղ բնակիչների, անմեղ մարդկանց դեմ․․․, դա այն ամենն է, ինչին դուք ընդունակ եք»,- ամբիոնից հայտարարել է պատգամավորը։