«Վատիկանում Ուկրաինայի հետ խաղաղ բանակցություններն անիրատեսական են»․ Լավրով

Վատիկանում Ուկրաինայի հետ խաղաղ բանակցություններ անցկացնելն անիրատեսական է թվում։ Այս մասին հայտնել է ՌԴ ԱԳՆ ղեկավար Սերգեյ Լավրովը։

ԱԳ նախարարի խոսքով՝ գլխավոր հարցը կլինի Ուկրաինայի նախագահի «լեգիտիմությունը»։

«Զելենսկու լեգիտիմության հարցը հիմնարար նշանակություն կունենա խաղաղության համաձայնագրի ստորագրման հարցում», - նշել է Լավրովը։
Նրա խոսքով՝ Ռուսաստանը «չի կարող ժողովրդին թողնել Կիևի ներկայիս ռեժիմի իշխանության տակ»։

«Եթե Զելենսկու խունտան ակնկալում է, որ Ուկրաինան կշարունակի ապրել գործող օրենքներով, ապա դրանք պատրանքներ են»,- ասել է Լավրովը։

Ավելի վաղ հաղորդվել էր, որ Ուկրաինա-ՌԴ ուղիղ բանակցությունների հաջորդ փուլը կարող է տեղի ունենալ Վատիկանում։