«Անհրաժեշտ է վերականգնել Ռուսաստանի հետ կապերը»․ Տիգրան Արզաքանցյան

«Ուժը Հայրենյաց» կուսակցության նախագահ Տիգրան Արզաքանցյանի ֆեյսբուքյան գրառումը. «Մայիսի 20-21-ը տեղի ունեցած Սերգեյ Լավրովի այցը Երևան ակնհայտ ցույց տվեց՝ Հայաստանի ու Ռուսաստանի հարաբերություններում նոր ժամանակաշրջան է սկսվում։ Երկար ժամանակ սառը հարաբերություններից հետո ի վերջո կողմերը վերադառնում են ուղիղ խոսակցության ու հնարավոր համագործակցության դաշտ։
? Հոկտեմբերին Պուտին-Փաշինյան հանդիպումն էր,
? Հունվարին՝ Մոսկվայում Միրզոյան-Լավրովը,
? Իսկ հիմա՝ Լավրովը Երևանում։
Չեմ ասում, որ բոլոր խնդիրները լուծվել են, բայց այս հանդիպումները մի բան հստակ ցույց տվեցին՝ Հայաստանը էլ չի կարող իրեն թույլ տալ լուռ կանգնել Ռուսաստանից հեռու։ Աշխարհաքաղաքական իրավիճակը փոխվել է․ Ամերիկյան ներկայությունը մեր տարածաշրջանում թուլացել է, Ադրբեջանի սպառնալիքները շարունակվում են, իսկ Թուրքիան շարունակում է աջակցել Բաքվին։
Ստեղծված պայմաններում պարզ է դառնում՝ Ռուսաստանի հետ կապերը վերականգնելու անհրաժեշտություն կա։ Կարևորը՝ այդ կապերը լինեն ազնիվ, իրատեսական ու առանց ավելորդ լարումների։
Պետք չի ակնկալել հրաշքներ, բայց պետք է հասկանալ՝ քաղաքականությունը հպարտության տեղը չէ։ Հիմա մեր առաջնահերթությունը պետության անվտանգությունն է, և այստեղ ոչ մի հպարտություն հարց չի լուծում»։