Շվեյցարական Ալպերում անհայտ հանգամանքներում մահացել է 5 լեռնագնաց

2217

Կիրակի, 25 մայիսի, 2025 թ., 19:10

Շվեյցարական Ալպերում հայտնաբերվել է 5 լեռնագնացի մարմին։ Վալե կանտոնի ոստիկանության տվյալներով՝ նրանց մահվան հանգամանքներն անհայտ են։
Մարմինները հայտնաբերվել են Ռիմպֆիշհորն լեռան տարածքում։ Մահացածների ինքնությունը դեռևս պարզված չէ։

Տագնապը բարձրացրել են այլ լեռնագնացներ, որոնք լքված դահուկներ են նկատել լեռան ստորոտում՝ Ցերմատից տանող հայտնի արշավային արահետի վրա։ Դահուկների տերերին գտնելու փորձերը հաջողությամբ չեն պսակվել, և զբոսաշրջիկները դիմել են փրկարարներին։

Ադլեր սառցադաշտում որոնողական աշխատանքների ժամանակ հայտնաբերվել է հինգ դի։ Այս պահին աշխատանքներ են տարվում նրանց ինքնությունը պարզելու ուղղությամբ։

Շվեյցարիայի դատախազությունը հետաքննություն է սկսել՝ միջադեպի ճշգրիտ պատճառները պարզելու համար։