Արաբական ծովում խորտակվել է վտանգավոր բեռ տեղափոխող նավ

Լիբերիայի դրոշի ներքո նավարկող «Սուջատա» կոնտեյներային նավը խորտակվել է Արաբական ծովում՝ Հնդկաստանի Կոչին քաղաքի ափերի մոտ մայիսի 24-ի առավոտյան: Հնդկաստանի ափային պահպանության մամուլի ծառայությունը հայտնում է, որ նավը տեղափոխելիս է եղել վտանգավոր բեռ։

«Նավի վրա կար 640 կոնտեյներ, այդ թվում՝ 13-ը՝ վտանգավոր բեռներով և 12-ը՝ կալցիումի կարբիդով։ Բացի այդ, նավի բաքերը պարունակում էին 84.44 տոննա դիզելային վառելիք և 367.1 տոննա մազութ»,- ասվում է զեկույցում։

Մինչ օրս նավթի արտահոսքի մասին հաղորդագրություններ չեն եղել։

«Indian Express»-ը, հղում անելով Հնդկաստանի պաշտպանության նախարարության ներկայացուցչին, հայտնել է, որ անձնակազմի մեջ են եղել Ռուսաստանից 1 կապիտան, 20 ֆիլիպինցի, 2 ուկրաինացի և 1 վրացի քաղաքացի։ Անձնակազմի բոլոր 24 անդամները փրկվել են:

Կոնտեյներային նավը դուրս է եկել Տիրուվանանտապուրամի Վիժինջամ նավահանգստից և ուղևորվում էր դեպի Կոչին, իսկ ժամանումը նախատեսված էր մայիսի 24-ին։