Իսրայելը ոչնչացրել է Սանայի օդանավակայանի վերջին ինքնաթիռը

Իսրայելն ավիահարվածով ոչնչացրել է «Անսար Ալլահ» (հութիներ) շարժման վերահսկողության տակ գտնվող Եմենի մայրաքաղաք Սանայի միջազգային օդանավակայանում գործող վերջին Yemenia Airways ինքնաթիռը։ Այս մասին հայտնել է օդանավակայանի գլխավոր տնօրեն Խալեդ ալ-Շայեֆը։

Ավելի վաղ Իսրայելի պաշտպանության ուժերի մամուլի ծառայությունը հայտնել էր, որ Իսրայելի բանակը հարձակվել է Սանայի միջազգային օդանավակայանի և «Անսար Ալլահ» շարժմանը պատկանող ինքնաթիռների վրա։ Իսրայելական կողմի տվյալներով՝ «ինքնաթիռներն օգտագործվել են հութիների կողմից իսրայելցիների վրա հարձակումներ պլանավորող ահաբեկիչների տեղափոխման համար»։