Վարդան Մինասյանը հեռանում է Երևանի «Արարատ-Արմենիա» ֆուտբոլային ակումբից

Վարդան Մինասյանն ու մարզչական շտաբը հեռանում են Երևանի «Արարատ-Արմենիա» ֆուտբոլային ակումբից։ Այս մասին լրագրողների հետ հանդիպման ժամանակ հայտնել է Վարդան Մինասյանը:

«Ես, որպես մարզիչ, չեմ շարունակելու աշխատանքս «Արարատ-Արմենիա»-ում: Ես մոտիվացիա ու էմոցաների չունեմ: Սրանք այն երկու կարևոր բաներն են, որոնք մարզիչը պետք է ունենա: Եվ այս ամենը վերաբերում է ներքին առաջնությանը: Եվ ես չգիտեմ, թե սա որքան կտևի՝ վեց ամիս, մեկ տարի»,- նշել է մարզիչը:

Նշենք, որ Վարդան Մինասյանի գլխավորությամբ «Արարատ-Արմենիա»-ն դարձել է Հայաստանի կրկնակի չեմպիոն ու կրկնակի սուպերգավաթակիր՝ նվաճելով նաև Հայաստանի գավաթը։