Մերցը հնարավոր է համարել Ուկրաինային Taurus հրթիռների մատակարարումը

724

Հինգշաբթի, 29 մայիսի, 2025 թ., 12:40

Գերմանիայի կանցլեր Ֆրիդրիխ Մերցը ZDF հեռուստաալիքին տված հարցազրույցում հնարավոր է համարել Ուկրաինային Taurus հեռահար թևավոր հրթիռների մատակարարումը։

«Իհարկե, դա հնարավոր է», - պատասխանել է նա Կիևին զենքի հնարավոր մատակարարման վերաբերյալ հարցին։
Միևնույն ժամանակ Մերցը հիշեցրել է, որ ուկրաինացի զինվորականներին հրթիռների օգտագործման համար նախապատրաստելը կարող է երկար ժամանակ տևել։

«Մենք միշտ ասել ենք, ես ինքս եմ ասել, որ Taurus-ը Ուկրաինայում զինվորական անձնակազմի համար ամիսներ տևող մարզում է պահանջում, և եթե մենք այն մատակարարենք վեց ամսից կամ մեկ տարուց, այսօր դա Ուկրաինային չի օգնի», - հավելել է Մերցը։
Taurus KEPD 350/150-ը գերմանա-շվեդական հեռահար թևավոր հրթիռ է, այն նախատեսված է բարձր պաշտպանված թիրախներին հարվածելու համար՝ առանց այն կրող ինքնաթիռի՝ թշնամու օդային պաշտպանության գոտի մտնելու։

Չորեքշաբթի Գերմանիա կատարած այցից հետո Վլադիմիր Զելենսկին հայտարարել էր, որ Կիևը և Բեռլինն աշխատում են Taurus-ի մատակարարման հարցի շուրջ, բայց հրաժարվել է մանրամասներ հայտնել։

ՌԴ ԱԳՆ պաշտոնական ներկայացուցիչ Մարիա Զախարովան նշել էր, որ Մոսկվան գերմանական Taurus հրթիռների կողմից ռուսական ցանկացած թիրախին հարվածը կդիտարկի որպես Կիևի կողմից Բեռլինի մասնակցություն ռազմական գործողություններին։