#Reuters-ը հրապարակել է ուկրաինական կողմի հուշագրի ամբողջական բովանդակությունը

Ստամբուլում ռուս-ուկրաինական բանակցությունների 2-րդ փուլի նախօրեին Reuters-ը հրապարակել էր ուկրաինական հուշագրի ամբողջական բովանդակությունը։ Այն ներառում է՝

— «Լիակատար և անվերապահ հրադադար օդում, ցամաքում և ծովում՝ 30 օրվա ընթացքում և հրադադարի ռեժիմի մշտադիտարկում Միացյալ Նահանգների ղեկավարությամբ՝ երրորդ երկրների մասնակցությամբ,

— գերիների փոխանակում «բոլորը՝ բոլորի դիմաց» սկզբունքով, Ռուսաստանի կողմից վերահսկվող տարածք տեղափոխված ուկրաինացի երեխաների վերադարձը հայրենիք,

— Կիևի հրաժարումը չեզոքություն պահպանելուց. թույլատրվում է անդամակցել ԵՄ-ին. ՆԱՏՕ-ին անդամակցությունը կախված է դաշինքի ներսում կոնսենսուսի առկայությունից,

— Ուկրաինայի զինված ուժերի թվաքանակի, տեղակայման կամ այլ պարամետրերի, ինչպես նաև Ուկրաինայում օտարերկրյա զորքերի տեղակայման վերաբերյալ սահմանափակումների բացակայություն,

— շփման գծի ընդունում՝ որպես բանակցությունների մեկնարկային կետ, բայց միևնույն ժամանակ 2014 թվականի փետրվարից ի վեր Ուկրաինայի կողմից կորցրած տարածքների նկատմամբ միջազգային հանրության կողմից Ռուսաստանի վերահսկողության չճանաչում, տարածքային հարցերի քննարկում՝ միայն հրադադարից հետո։

— Ռուսաստանի դեմ պատժամիջոցների աստիճանական և մասնակի վերացում՝ դրանց երկարաձգման հնարավորությամբ, ինչպես նաև ռուսական ակտիվների օգտագործում՝ Ուկրաինան վերականգնելու կամ դրանց սառեցումը երկարաձգելու համար՝ «մինչև փոխհատուցման վճարումը»։

— նախագահներ Վլադիմիր Պուտինի և Վլադիմիր Զելենսկու անձնական հանդիպման անցկացում, որոնք պետք է համաձայնեցնեն «վերջնական խաղաղության կարգավորման հիմնական ասպեկտները», ներառյալ անվտանգության երաշխիքները, տարածքային հարցերը և վերջնական խաղաղության համաձայնագիրը։