Շաբաթ, 21 փետրվարի, 2026 թ.
|
Ստեփանակերտում`   +5 °C

Մերցը նշանակումից հետո առաջին անգամ կայցելի ԱՄՆ

Մերցը նշանակումից հետո առաջին անգամ կայցելի ԱՄՆ
654
Հինգշաբթի, 05 հունիսի, 2025 թ., 11:34

Հունիսի 5-ին Գերմանիայի կանցլեր Ֆրիդրիխ Մերցը նշանակումից հետո իր առաջին այցը կկատարի Միացյալ Նահանգներ, որտեղ կհանդիպի ԱՄՆ նախագահ Դոնալդ Թրամփի հետ՝ ԵՄ-ԱՄՆ հարաբերություններում աճող լարվածության և եվրոպական ապրանքների նկատմամբ նոր մաքսատուրքերի սպառնալիքների ֆոնին, հաղորդում է DW-ն։

Ըստ աղբյուրի՝ Վաշինգթոնում նախատեսված բանակցությունները կկենտրոնանան երեք հիմնական թեմաների վրա՝ Ուկրաինայի պատերազմը, մաքսատուրքերի հարցը և համատեղ անվտանգության ճարտարապետության մեջ Եվրոպայի ներդրումը։

Այցից առաջ Գերմանիայի կանցլերը խոսել է այն մասին, թե ինչպես է անցել Դոնալդ Թրամփի հետ իր առաջին հեռախոսազրույցը։

«Միշտ կարևոր է երկար չխոսել, այլ կարճ արտահայտվել և թույլ տալ նրան (Թրամփին - խմբ.) արտահայտվել։ Թրամփը յուրաքանչյուր երկրորդ կամ երրորդ բառից հետո ասում էր՝ «գերազանց է»։ Պետք է հարմարվել նրան և շփվել նրա հետ։ Միևնույն ժամանակ, մենք չպետք է նվաստացնենք մեզ։ Մենք մուրացկաններ չենք», - ասել է Մերցը։

Կարդացե՛ք նաև