Հրապարակային վեճից հետո Թրամփը չի պատրաստվում խոսել Մասկի հետ

ԱՄՆ-ի նախագահ Դոնալդ Թրամփը մոտ ժամանակներս չի պլանավորում զրուցել Իլոն Մասկի հետ։

Այս մասին Fox News-ին տված հարցազրույցում հայտարարել է Սպիտակ տան մամուլի քարտուղար Քերոլայն Լիվիթը։

Հարցին, թե արդյոք պետության ղեկավարը խոսել է գործարարի հետ նրանց հրապարակային վեճից հետո, Լիվիթը բացասական պատասխան է տվել։ «Անկեղծ ասած, չեմ կարծում, որ նախագահը մտադիր է դա անել», - ասաց նա՝ մեկնաբանելով Մասկի հետ հաջորդ շաբաթ զրույցի հնարավորությունը։

Ավելի վաղ Politico-ն հայտնել էր, որ հունիսի 6-ին Թրամփի և Մասկի ներկայացուցիչները հեռախոսազրույց են ունեցել։ Դրանից հետո նրանց միջև կոշտ հայտարարությունների փոխանակումը սոցիալական ցանցերում դադարել է։