«Ուկրաինայում հրադադարը վտանգ է ներկայացնում ՆԱՏՕ-ի համար». Ռյուտե

Ուկրաինայում հրադադարը Ռուսաստանին հնարավորություն կտա ավելացնել իր զենքի պաշարները, ինչը վտանգ է ներկայացնում ՆԱՏՕ-ի անդամ երկրների համար։
Ինչպես հաղորդում է РБК-Украина-ն, այս մասին հայտնել է ՆԱՏՕ-ի գլխավոր քարտուղար Մարկ Ռյուտեն՝ Chatham House-ում ունեցած ելույթի ժամանակ։
Պատասխանելով հարցին, թե արդյո՞ք արդարացի է ասել, որ Ուկրաինայում կայուն հրադադար հաստատելուց հետո ՆԱՏՕ-ի համար ռիսկերը կաճեն, Ռյուտեն ասել է. «Կարծում եմ՝ սա փաստի արձանագրում է»։

«Նույնիսկ այն պարագայում, երբ Ուկրաինայի դեմ պատերազմը շարունակվում է, նրանք (ռուսները) դեռ կարող են որոշ չափով ավելացնել իրենց պահեստներում առկա պաշարները, բայց սա վիճելի հարց է»,- նշել է ՆԱՏՕ-ի գլխավոր քարտուղարը։