Թրամփը չի բացառել Իսրայելի կողմից Իրանի վրա հարձակումը

1435

Հինգշաբթի, 12 հունիսի, 2025 թ., 21:16

ԱՄՆ-ի նախագահ Դոնալդ Թրամփը չի բացառել Իսրայելի կողմից Իրանի վրա հարձակումը. «Ես չեմ ուզում ասել, որ Իսրայելի կողմից Իրանի վրա հարձակումն անխուսափելի է, բայց, անշուշտ, թվում է, թե դա կարող է տեղի ունենալ»,- ասել է Թրամփը՝ պատասխանելով լրագրողի համապատասխան հարցին։

Այս ֆոնին Իսրայելի պաշտպանության ուժերը պարզաբանել են, որ ռազմական գործողությունների նախապատրաստման վերաբերյալ որևէ նոր հրահանգ չեն ստացել:
Մինչ այդ, սակայն Իսրայելի կենտրոնական մասում գտնվող հիվանդանոցներին հրահանգվել է պատրաստ լինել վիրավորներին ընդունելուն և արտակարգ իրավիճակներին։

ABC News-ի տվյալներով՝ Իսրայելը կարող է առաջիկա օրերին ռազմական հարված հասցնել Իրանին։ Որոշումը դեռևս վերջնականապես չի կայացվել, սակայն այս տարբերակն ակտիվորեն քննարկվում է տարածաշրջանում լարվածության աճի ֆոնին, նշում է հեռուստաալիքը։