Կիրակի, 18 հոկտեմբերի, 2026 թ.
|
Ստեփանակերտում`   +15 °C

Կործանված ինքնաթիռի առջևի մասում նստած 40-ամյա հնդիկ տղամարդը հրաշքով ողջ է մնացել

Կործանված ինքնաթիռի առջևի մասում նստած 40-ամյա հնդիկ տղամարդը հրաշքով ողջ է մնացել
2317
Հինգշաբթի, 12 հունիսի, 2025 թ., 21:59

Հնդկական աղբյուրները հաստատում են՝ Հնդկաստանում ավիավթարի հետևանքով կա ողջ մնացած ուղևոր: Նա 40-ամյա Վիշվաշկումար Ռամեշն է՝ Մեծ Բրիտանիայի քաղաքացի՝ հնդկական ծագմամբ։ Նշվում է, որ նա մի քանի օրով Հնդկաստան էր եկել՝ ընտանիքին այցելելու և եղբոր հետ վերադառնում էր Մեծ Բրիտանիա։

Վիշվաշկումար Ռամեշի անձնագիրը
Վիշվաշկումար Ռամեշի անձնագիրը

Ռամեշն իր ոտքով է մոտեցել շտապօգնության մեքենային: Նրա խոսքով՝ «թռիչքից 30 վայրկյան անց բարձր ձայն է լսվել», որից հետո ինքնաթիռը վթարի է ենթարկվել։ Նա նշել է, որ «ամեն ինչ շատ արագ է տեղի ունեցել»։ Հրաշքով փրկված ուղևորը վնասվածքներ ունի կրծքավանդակին, գլխին և ոտքերին։ Նա նստած է եղել ինքնաթիռի առջևի մասում՝ 11A համարի նստատեղին։

Վիշվաշկումար Ռամեշի ավիատոմսը
Վիշվաշկումար Ռամեշի ավիատոմսը

Ավելի վաղ հաղորդվում էր նաև երկրորդ ողջ մնացած ուղևորի մասին, սակայն այդ տեղեկությունը չի հաստատվել:
Հիշեցնենք՝ ավիաաղետի հետևանքով արդեն իսկ կա 370-ից ավելի տուժած:

Կործանված ինքնաթիռի առջևի մասում նստած 40-ամյա հնդիկ տղամարդը հրաշքով ողջ է մնացել