«Իրանի դեմ գործողությունները չէին կարող իրականացվել առանց ԱՄՆ-ի»․ Արաղչի

Իսրայելի կողմից Իրանի վրա հարձակումների ֆոնին Իրանի արտաքին գործերի նախարար Աբբաս Արաղչին X-ի իր էջում հայտարարություն է տարածել։

«Իրանի դեմ սիոնիստական ​​ռեժիմի հարձակումները ՄԱԿ-ի կանոնադրության 4-րդ հոդվածի 2-րդ կետի խախտում են և Իրանի Իսլամական Հանրապետության դեմ ուղղված ակնհայտ ագրեսիա։ Այս ագրեսիային պատասխանը Իրանի օրինական իրավունքն է՝ համաձայն ՄԱԿ-ի կանոնադրության 51-րդ հոդվածի։ Իրանի Իսլամական Հանրապետության զինված ուժերը, հանուն երկրի պաշտպանության, կպատասխանեն վճռականորեն՝ այնպիսի ձևով, որով նրանք նպատակահարմար կհամարեն։ Սիոնիստական ​​ռեժիմի ագրեսիվ գործողություններն Իրանի դեմ չէին կարող իրականացվել առանց Միացյալ Նահանգների համակարգման և հավանության։ Հետևաբար, ԱՄՆ կառավարությունը, որպես այս ռեժիմի գլխավոր հովանավոր, պատասխանատու է սիոնիստների արկածախնդրության վտանգավոր հետևանքների համար», - նշել է Արաղչին։