Երեքշաբթի, 16 հունիսի, 2026 թ.
|
Ստեփանակերտում`   +22 °C

«Իրանը չօգտվեց միջուկային համաձայնագիր կնքելու հնարավորությունից»․ Թրամփ

«Իրանը չօգտվեց միջուկային համաձայնագիր կնքելու հնարավորությունից»․ Թրամփ
711
Ուրբաթ, 13 հունիսի, 2025 թ., 14:34

Իրանը հնարավորություն ուներ միջուկային համաձայնագիր կնքելու, որից Թեհրանը չօգտվեց։ ԱՄՆ նախագահ Դոնալդ Թրամփն այս մասին գրել է Truth Social սոցիալական ցանցի իր էջում։

Նա նշել է, որ համաձայնագրից հրաժարվելու հետևանքներն Իրանի համար շատ ավելի վատ կլինեն, քան իրենք են ակնկալում։

«Միացյալ Նահանգներն արտադրում է աշխարհում լավագույն և ամենամահացու ռազմական տեխնիկան։ Իսրայելն արդեն իսկ ունի մեծ քանակությամբ ամերիկյան զենք և կստանա նույնիսկ ավելին», - նշել է Թրամփը։

«Որոշ իրանցի արմատականներ հոխորտում էին. հիմա նրանք բոլորը մեռած են։ Ամեն ինչ միայն ավելի կվատանա։

Ավերածությունն արդեն հսկայական է, բայց գործարքը դեռ կարող է կանխել հաջորդ դաժան հարվածները։ Իրանը պետք է գործի հիմա՝ փրկելու իր կայսրության մնացորդները։ Այլևս ո՛չ մի մահ, ո՛չ մի ավերածություն։
ՊԱՐԶԱՊԵՍ ԱՐԵՔ ԴԱ, ՔԱՆԻ ԴԵՌ ՉԱՓԱԶԱՆՑ ՈՒՇ ՉԷ», - եզրափակել է Թրամփը։