«Նեթանյահուի անխոհեմ և անօրինական վարքագիծը աղետ է հրահրում»․ Էրդողան

Թուրքիայի նախագահ Ռեջեփ Թայիբ Էրդողանը դատապարտել է Իսրայելի կողմից Իրանին հասցված հարվածները և Նեթանյահուին մեղադրել աղետ հրահրելու մեջ։

Էրդողանը մասնավորապես ասել է․ «Այսօրվա հարվածով Իսրայելն իր արյունահեղության և անկայունության ռազմավարությունը հասցրել է վտանգավոր մակարդակի։

Մեր հարևան Իրանի վրա հարձակումները բացահայտ սադրանք են և միջազգային իրավունքի ակնհայտ խախտում։

Այն պարագայում, երբ միջուկային բանակցություններն ակտիվանում են, և Գազայում Իսրայելի գործողությունների պատճառով գլոբալ ճնշումը մեծանում է, այս հարվածները ցույց են տալիս, որ այդ երկիրն անտեսում է միջազգային նորմերը։

Նեթանյահուի անխոհեմ և անօրինական վարքագիծը ամբողջ տարածաշրջանը և աշխարհը տանում է դեպի աղետ։

Միջազգային հանրությունը պետք է դադարեցնի Իսրայելի ագրեսիան, որը սպառնում է ինչպես տարածաշրջանային, այնպես էլ համաշխարհային կայունությանը։

Մենք կրկնում են՝ մենք այլևս չենք ցանկանում արյունահեղություն, ավերածություններ և պատերազմ Մերձավոր Արևելքում։

Որպես Թուրքիա՝ մենք խստորեն դատապարտում ենք Իրանի վրա հարձակումները, մեր ցավակցությունն ենք հայտնում Իրանի ժողովրդին և վիրավորներին արագ ապաքինում մաղթում», - ասել է Էրդողանը։