«Նաթանզի գործարանի վերգետնյա հատվածը ոչնչացվել է». Գրոսսի

Նաթանզի գործարանի վերգետնյա հատվածը, որտեղ Իրանն արտադրել է մինչև 60% հարստացված ուրան, ոչնչացվել է, ինչպես նաև տեղում գտնվող էլեկտրական ենթակառուցվածքները, ՄԱԿ-ի Անվտանգության խորհրդի նիստում այս մասին հայտարարել է Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսսին։

Նրա խոսքով՝ Իրանը սկզբում հաստատել է, որ հունիսի 13-ին Իսրայելի հարձակումների ժամանակ հարված է հասցվել միայն Նաթանզի վառելիքի հարստացման գործարանին։

«Նաթանզում ոչնչացվել է փորձնական գործարանի վերգետնյա հատվածը, որտեղ Իրանն արտադրել է մինչև 60% հարստացված ուրան։ Տեղանքի էլեկտրական ենթակառուցվածքները՝ բաշխիչ ենթակայանը, գլխավոր էլեկտրամատակարարման շենքը, արտակարգ էլեկտրամատակարարման համակարգը և պահեստային գեներատորները, նույնպես ոչնչացվել են», - ասել է Գրոսսին։