Հինգշաբթի, 15 հունվարի, 2026 թ.
|
Ստեփանակերտում`   0 °C

Լավրովը և ԱՄԷ-ի փոխվարչապետը մտահոգություն են հայտնել Իրանի դեմ ռազմական գործողությունների կապակցությամբ

Լավրովը և ԱՄԷ-ի փոխվարչապետը մտահոգություն են հայտնել Իրանի դեմ ռազմական գործողությունների կապակցությամբ
598
Շաբաթ, 14 հունիսի, 2025 թ., 11:40

Հունիսի 13-ին հեռախոսազրույց է տեղի ունեցել Ռուսաստանի Դաշնության արտաքին գործերի նախարար Սերգեյ Լավրովի և Արաբական Միացյալ Էմիրությունների փոխվարչապետ և արտաքին գործերի նախարար Աբդուլլահ բին Զայեդ Ալ Նահյանի միջև։ Այաս մասին հայտնում են ՌԴ ԱԳՆ-ից։

Զրույցի ընթացքում քննարկվել է Մերձավոր Արևելքում ստեղծված ճգնաժամային իրավիճակը։ Միաժամանակ, նախարարները խիստ մտահոգություն են հայտնել Իսրայելի կողմից Իրանի դեմ միջազգային իրավունքի և ՄԱԿ-ի կանոնադրության դրույթների խախտմամբ ձեռնարկված ռազմական գործողության կապակցությամբ և հանդես են եկել տարածաշրջանում լարվածության արագ թուլացման օգտին։ Այս համատեքստում հատկապես ընդգծվել է դիմակայությունը բանակցային հուն տեղափոխելու կարևորությունը։

Արտաքին գերատեսչությունների ղեկավարները համաձայնել են շարունակել շփումները՝ հաստատելով Մոսկվայի և Աբու Դաբիի պատրաստակամությունը՝ աջակցելու Մերձավոր Արևելքում խաղաղության և անվտանգության ուղղությամբ առաջադիմական շարժման համար պայմաններ ստեղծելու ջանքերին։