Իրանը սպառնացել է Մեծ Բրիտանիային, Ֆրանսիային և ԱՄՆ-ին

Իրանը պաշտոնապես հայտարարել է Մեծ Բրիտանիային, Ֆրանսիային և ԱՄՆ-ին, որ եթե նրանք օգնեն Իսրայելին, Մերձավոր Արևելքում գտնվող նրանց օբյեկտները կդառնան իրանական հարվածների թիրախ, հաղորդում է Mehr-ը։

Գործակալությունը գրում է, որ Թեհրանը կարող է նաև հարձակվել Պարսից ծոցի և Կարմիր ծովի ցանկացած երկրի նավերի վրա, եթե նրանք աջակցեն Իսրայելին։

Ավելի վաղ Իրանի բարձրաստիճան զինվորականները Fars գործակալությանը հայտնել էին, որ Թեհրանը մտադիր է հարձակվել Մերձավոր Արևելքում գտնվող ամերիկյան օբյեկտների վրա։ Նրանք ընդգծել են, որ «բախումը չի ավարտվի երեկվա սահմանափակ գործողություններով» և որ Իրանի հետագա հարվածները կշարունակվեն։
Բացի այդ, իրանցի պաշտոնյան CNN-ին ասել է, որ Թեհրանը կհարձակվի Իսրայելին պաշտպանող ցանկացած երկրի Մերձավոր Արևելքի բազաների վրա։