ԱՄՆ-ում գնդակահարվել է Ներկայացուցիչների պալատի նախկին խոսնակն ու նրա ամուսինը

ԱՄՆ Մինեսոտա նահանգում գնդակահարել են Ներկայացուցիչների պալատի նախկին խոսնակին ու նրա ամուսնուն, հաղորդում է ABC News-ը։

Ըստ աղբյուրի՝ սպանվել են դեմոկրատ Մելիսա Հարթմանը և նրա ամուսինը: Մինեսոտայի նահանգապետ թիմ Վոլզը հայտարարել է, որ հարձակումը, ամենայն հավանականությամբ, քաղաքական դրդապատճառներ է ունեցել:

Հրաձիգը վիրավորել է նաև սենատոր Ջոն Հոֆմանին և նրա կնոջը. երկուսն էլ վիրահատվել են, նրանց կյանքին վտանգ չի սպառնում, գրում է ABC-ն:

Կասկածյալին տեսել են Հարթմանի տան մոտ՝ ոստիկանական համազգեստով։ Ձերբակալման փորձի ժամանակ նա կրակ է բացել և դիմել փախուստի։

Նախագահ Թրամփը, անդրադառնալով միջադեպին, նշել է. «Ես տեղեկացված եմ Մինեսոտայում տեղի ունեցած սարսափելի կրակոցների մասին, որը, կարծես թե, նպատակային հարձակում էր նահանգային օրենսդիրների դեմ։

Նման սարսափելի բռնությունը չի հանդուրժվի Ամերիկայի Միացյալ Նահանգներում», - ասել է Թրամփը։