Կիրակի, 06 հուլիսի, 2025 թ.
|
Ստեփանակերտում`   +18 °C

«Իրանը երկու անգամ փորձել է սպանել Թրամփին». Նեթանյահու

«Իրանը երկու անգամ փորձել է սպանել Թրամփին». Նեթանյահու
701
Շաբաթ, 14 հունիսի, 2025 թ., 23:52

Իրանը երկու անգամ փորձել է սպանել ԱՄՆ նախագահ Դոնալդ Թրամփին։ Այս մասին իր տեսաուղերձում հայտնել է Իսրայելի վարչապետ Բենիամին Նեթանյահուն։

Անգլերեն տեսաուղերձում Նեթանյահուն շնորհավորել է Թրամփին ծննդյան օրվա և ԱՄՆ բանակի 250-ամյակի կապակցությամբ և կարծիք հայտնել, որ Իրանի դեմ ռազմական գործողության ընթացքում Իսրայելը «պաշտպանում է ազատությունը Մերձավոր Արևելքում և դրանից դուրս»։

«Այս պահին իրանական ռեժիմը ռմբակոծում է մեր քաղաքացիական տարածքները, մինչդեռ մենք հարձակվում ենք ահաբեկիչների վրա։ Սա նորություն չէ։ Նրանք երկու անգամ փորձել են սպանել նախագահ Թրամփին։ Նրանք ռմբակոծել են ամերիկյան դեսպանատները։ Նրանք սպանել են 241 ամերիկյան ծովային հետևակայինների Բեյրութում (1983 թվականին)։ Նրանք սպանել և վիրավորել են հազարավոր ամերիկացիների՝ իրենց ինքնաշեն պայթուցիկներով Իրաքում և Աֆղանստանում։ Նրանք այրում են ամերիկյան դրոշը, անվերջ վանկարկում են՝ «Մա՛հ Ամերիկային»», - ասել է Նեթանյահուն։

Նա նաև նշել է, որ Իսրայելը հարձակվում է Իրանի վրա՝ Թրամփի և ամերիկյան ժողովրդի բացահայտ աջակցությամբ։