Երեքշաբթի, 24 փետրվարի, 2026 թ.
|
Ստեփանակերտում`   +4 °C

Հունիսի 13-ից ի վեր Իսրայելն ունի ավելի քան 24 զոհ, Իրանը՝ 224

Հունիսի 13-ից ի վեր Իսրայելն ունի ավելի քան 24 զոհ, Իրանը՝ 224
1231
Երկուշաբթի, 16 հունիսի, 2025 թ., 12:16

Գիշերվա ընթացքում Իրանի հարվածների հետևանքով տարբեր վնասվածքներով Իսրայելի հիվանդանոցներ բժշկական օգնության է դիմել 287 մարդ, հայտնել է Իսրայելի առողջապահության նախարարությունը։

Նախարարությունը նշել է, որ վիրավորներից մեկը գտնվում է ծանր վիճակում, 13-ը՝ միջին ծանրության, իսկ 240-ը՝ թեթև վնասվածքներով։ Եվս 11 մարդ բժշկական օգնության է դիմել շոկի պատճառով։

Հունիսի 13-ի երեկոյից Իսրայելում զոհերի ընդհանուր թիվը գերազանցել է 24-ը։

Միևնույն ժամանակ Իրանի առողջապահության նախարարությունը հայտնել է, որ Իրանում Իսրայելի հարձակումների հետևանքով մահացածների թիվը հասել է 224-ի։

Իրանական լրատվամիջոցների տվյալներով՝ մահացածների 90%-ը քաղաքացիական անձինք են, այդ թվում՝ կանայք և երեխաներ։