«Խամենեին այլևս չպետք է գոյություն ունենա»․ Կաց

Իսրայելի պաշտպանության նախարար Իսրայել Կացը Իրանի հոգևոր առաջնորդին համեմատել է Հիտլերի հետ՝ ասելով, որ նման անձը «չպետք է գոյություն ունենա»։

Եթե Իսրայել պետությունը գոյություն ունենար Հոլոքոստի ժամանակ, և մենք իմանայինք, որ կարող ենք Իսրայելի պաշտպանության բանակն ուղարկել բունկեր՝ Հիտլերին բռնելու և այդկերպ հրեաների ոչնչացումը կանխելու համար, մենք դա կանեինք,- ասել է Կացը՝ Հոլոնում իրանական հրթիռային հարվածի վայր այցելության ժամանակ։

«Խամենեին ժամանակակից Հիտլերն է»,- հավելել է նա։ Նախարարի խոսքերը մեջբերել է Times of Israel-ը։

Հարցին, թե արդյոք Խամենեիի վերացումը պատերազմի նպատակների մաս է կազմում, Իսրայել Կացը պատասխանել է.

Պատերազմի նպատակներն են՝ վերացնել միջուկային սպառնալիքը, վերացնել ավերածությունների աղբյուրները և չեզոքացնել հրթիռային սպառնալիքները։ Այս շրջանակներում Իսրայելի պաշտպանության բանակը ստացել է հրահանգներ և գիտի, որ այս բոլոր նպատակներին հասնելու համար, իհարկե, այս անձը այլևս չպետք է գոյություն ունենա։