«Հրադադարի մասին Թրամփի հայտարարությունն անակնկալ էր նրա վարչակազմի համար»․ #NYT

ԱՄՆ նախագահ Դոնալդ Թրամփի՝ Իսրայելի և Իրանի միջև հրադադարի մասին հայտարարությունն անակնկալի է բերել նրա վարչակազմի որոշ բարձրաստիճան պաշտոնյաների, հաղորդում է The New York Times-ը՝ հղում անելով Սպիտակ տան աղբյուրին։

Ըստ աղբյուրի՝ Թրամփը համաձայնագրի մասին հայտարարել է միայն Իսրայելի վարչապետ Բենիամին Նեթանյահուի և Իրանի ներկայացուցիչների հետ զրույցից հետո, որոնց հետ նա շփվել է Կատարի միջնորդությամբ։

The NYT-ի փոխանցմամբ՝ հրադադարի քննարկման հարցում որոշակի դեր է խաղացել Կատարի էմիր շեյխ Թամիմ բին Համադ ալ Թանին։

Քննարկմանը մասնակից ԱՄՆ ներկայացուցիչների թվում նշվում են փոխնախագահ Ջ.Դ. Վենսը, պետքարտուղար Մարկո Ռուբիոն և Թրամփի հատուկ բանագնաց Սթիվ Ուիթքոֆը։