«ԱՄՆ-ից, Իսրայելից և Իրանից դրական ազդակներ են հնչում»․ Լավրով

«ԱՄՆ-ից, Իսրայելից և Իրանից սկսել են դրական ազդակներ հնչել։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը։

«Երեկ հուսադրող հայտարարություններ արվեցին, այդ թվում՝ Վաշինգթոնից, Իրանից և Իսրայելից, չնայած ավելի ուշ բավականին երկիմաստ մեկնաբանություններ եղան։ Չեմ ուզում ցանկալին ներկայացնել որպես իրականություն, քանի որ այս հուսադրող հայտարարություններից հետո տարբեր կողմերից հակասական մեկնաբանություններ հնչեցին։ Բայց եթե դրանք կյանքի կոչվեն, իսկ մենք պատրաստ ենք նպաստել դրան, կարծում եմ՝ բոլորը թեթևացած շունչ կքաշեն», - ասել է ՌԴ ԱԳՆ ղեկավարը։

Լավրովի խոսքով՝ իրանա-իսրայելական հակամարտության մասնակիցները սկսում են գիտակցել իրավիճակը քաղաքական և դիվանագիտական ​​հուն վերադարձնելու անհրաժեշտությունը։