Չորեքշաբթի, 26 նոյեմբերի, 2025 թ.
|
Ստեփանակերտում`   +10 °C

«Մեղրով ավելի շատ բանի կարելի է հասնել, քան քացախով». Թրամփը՝ Իրանին

«Մեղրով ավելի շատ բանի կարելի է հասնել, քան քացախով». Թրամփը՝ Իրանին
764
Ուրբաթ, 27 հունիսի, 2025 թ., 22:53

Իսրայելի նկատմամբ տարած հաղթանակի մասին Իրանի գերագույն առաջնորդ Ալի Խամենեիի խոսքերը «սուտ» են, Truth Social-ում գրառում է կատարել ԱՄՆ նախագահ Դոնալդ Թրամփը։

«Ես նրան սարսափելի և ամոթալի մահից փրկեցի, իսկ նա նույնիսկ շնորհակալություն չհայտնեց», - գրել է նա։

Թրամփը նշել է, որ աշխատում էր Իրանի դեմ պատժամիջոցները վերացնելու ուղղությամբ, բայց քանի որ Իրանի կողմից «զայրույթով, ատելությամբ և զզվանքով լի հայտարարություններ» լսեց, սահմանափակումների վերացմանն ուղղված գործողությունները դադարեցրեց։

«Նրանք (Իրանը) միշտ զայրացած են, ագրեսիվ և դժբախտ, և տեսեք՝ ինչի է սա հանգեցրել՝ այրված, ավերված երկիր՝ առանց ապագայի, պարտված բանակ, սարսափելի տնտեսություն և ՄԱՀ ամենուր։ Նրանք հույս չունեն, և իրավիճակը միայն կվատանա», - գրել է Թրամփը՝ եզրափակելով, որ «մեղրով ավելի շատ բանի կարելի է հասնել, քան քացախով»։