«DOGE-ը հրեշ է, որը կարող է շրջվել Իլոնի դեմ և ուտել նրան». Թրամփ
![]() 789 Երեքշաբթի, 01 հուլիսի, 2025 թ., 18:48 ԱՄՆ-ի նախագահ Դոնալդ Թրամփը հայտարարել է, որ Իլոն Մասկը կարող է կորցնել ոչ միայն կառավարության էլեկտրական մեքենաների ծրագրի աջակցությունը: Նա խոստովանել է, որ DOGE գործակալությունը, որը նախկինում վերահսկվում էր հենց Մասկի կողմից, կարող է օգտագործվել իր դեմ։ «Իլոնը շատ ավելին ունի կորցնելու»,- ասել է Թրամփը՝ հավելելով. «DOGE-ը հրեշ է, որը կարող է շրջվել Իլոնի դեմ և ուտել նրան»: DOGE-ը պատասխանատու է պետական ծախսերի օպտիմալացման և բյուրոկրատիայի դեմ պայքարի համար։ Թրամփը նախկինում նշել էր, որ Մասկը «պատմության մեջ ավելի շատ սուբսիդիաներ է ստացել, քան որևէ մեկը», և առանց դրանց «նա կվերադառնար Հարավային Աֆրիկա»։ Իլոն Մասկը մինչև վերջերս զբաղեցնում էր DOGE համակարգողի պաշտոնը և նախագահի մերձավոր շրջապատի անդամ էր: Սակայն նրա և նախագահի հարաբերությունները վատթարացան. Մասկը քննադատեց Սպիտակ տունը, պետական ծախսերի և ներմուծման տուրքերի մասին օրենքը, ինչպես նաև աջակցեց Թրամփի իմպիչմենտի գաղափարին։ Ի պատասխան՝ նախագահը նրան անվանեց «խելագար» և մեղադրեց պարտականությունները անբարեխիղճ կատարելու մեջ՝ սպառնալով խզել իր ընկերությունների, այդ թվում՝ SpaceX-ի հետ կնքված պայմանագրերը։ Ըստ The Washington Post-ի՝ վերջին տարիներին Մասկի կառույցը ստացել է մոտ 38 միլիարդ դոլարի արժողությամբ կառավարական պատվերներ։ Մասկը հետագայում ներողություն խնդրեց իր հայտարարությունների համար, և կողմերը, ըստ NYT-ի, հեռախոսազրույց ունեցան։ |
Պատահաբար եթեր է գնացել Թրամփի խոսքը Պուտինի մասին (տեսանյութ)
5601:38Սպիտակ տունը հրապարակել է Թրամփի և Զելենսկիի սև-սպիտակ լուսանկարը՝ Ուկրաինայի քարտեզի մոտ (լուսանկար)
7201:26Ավարտվեց Թրամփի և Զելենսկու հանդիպումը ԵՄ առաջնորդների հետ
4301:18«Պուտինը համաձայնել է, որ ՌԴ-ն ընդունի Ուկրաինայի անվտանգության երաշխիքները». Թրամփ
11400:56«Փորձը ցույց է տալիս, որ հակամարտությունները կարող են ավարտվել առանց նախնական հրադադարի». Թրամփ
12800:30«Թղթի վրա գրված բառերը չեն կարող դառնալ խաղաղության երաշխիք». Իշխան Սաղաթելյան
4400:18Զելենսկին խուսափեց պատասխանել տարածքների հնարավոր փոխանակման մասին հարցին
11100:06«1-2 շաբաթում պարզ կդառնա՝ հնարավո՞ր է Ուկրաինայի հակամարտությունը կարգավորել բանակցությունների միջոցով». Թրամփ
6600:00