Թուրքիայի Չեշմե հանգստավայրում հրդեհ է բռնկվել

2184

Հինգշաբթի, 03 հուլիսի, 2025 թ., 10:46

Անտառային խոշոր հրդեհ է բռնկվել Էգեյան ծովի ափին գտնվող Թուրքիայի Չեշմե հանգստավայրում, կրակը հասել է տներ, երեք գյուղերի բնակիչներ արդեն տարհանվել են, հաղորդել է NTV-ն։
Հրդեհը բռնկվել է Իլդիր շրջանի գյուղատնտեսական դաշտերում, ուժեղ քամու պատճառով կրակը տարածվել է անտառում։

Հեռուստաալիքի տվյալներով՝ տարհանվել են Իլդիր, Գերմիյան և Նոհութալան գյուղերի բնակիչները», - հաղորդել է հեռուստաալիքը։

Գյուղատնտեսության և անտառտնտեսության նախարար Իբրահիմ Յումաքլին հայտարարել էր, որ հրշեջներին հաջողվել էր մարել Իզմիր նահանգի Մենդերես և Սեֆերիհիսար շրջաններում բռնկված հրդեհները օրեր անց։
Ավելի վաղ անտառային հրդեհներ էին սկսվել նաև Թուրքիայի արևմուտքում գտնվող Բուրսա և Քոջաելի նահանգներում։