Բալիի մոտ լաստանավի խորտակման հետևանքով կան զոհեր

Ինդոնեզիայի Բալի կղզու մոտակայքում լաստանավի խորտակման հետևանքով առնվազն 4 մարդ մահացել է, տասնյակ մարդիկ համարվում են անհետ կորած։ Այս մասին հայտնում է BBC-ն։

Ազգային որոնողափրկարարական գործակալության տվյալներով՝ Բալիից դեպի Բանյուվանգի ուղևորվող նավի վրա եղել է անձնակազմի 12 անդամ և 53 ուղևոր։ 29 մարդու հնարավոր է եղել փրկել։ Մյուսների որոնողական աշխատանքները շարունակվում են։

Իշխանությունները փորձում են պարզել նավի խորտակման պատճառը։ Հայտնի է, որ խորտակվելուց անմիջապես առաջ նավը հայտնել է շարժիչի հետ կապված խնդիրների առկայության մասին։