Երեքշաբթի, 24 փետրվարի, 2026 թ.
|
Ստեփանակերտում`   +4 °C

ՄԱԿ-ում Իսրայելին մեղադրել են աշխարհում ամենադաժան ցեղասպանություններից մեկի մեջ

ՄԱԿ-ում Իսրայելին մեղադրել են աշխարհում ամենադաժան ցեղասպանություններից մեկի մեջ
1186
Հինգշաբթի, 03 հուլիսի, 2025 թ., 13:22

Իսրայելը պատասխանատու է Գազայում ժամանակակից պատմության ամենադաժան ցեղասպանություններից մեկի համար։ ՄԱԿ-ի Մարդու իրավունքների խորհրդի (ՄԻԽ) 59-րդ նստաշրջանում հայտարարել է Պաղեստինի հարցով ՄԱԿ-ի հատուկ զեկուցող Ֆրանչեսկա Ալբանեզեն։

«Իրավիճակն օկուպացված Պաղեստինի տարածքում ապոկալիպտիկ է։ Գազայում պաղեստինցիները շարունակում են անհավանական տառապանքներ կրել։ Իսրայելը պատասխանատու է ժամանակակից պատմության ամենադաժան ցեղասպանություններից մեկի համար։ Պաշտոնական տվյալներով՝ զոերի թիվը գերազանցում է 200,000-ը։ Փորձագետների գնահատմամբ՝ իրական թիվը շատ ավելի մեծ է», - ասել է նա։

«Մի ժամանակ ես կարծում էի, որ խնդիրը Պաղեստինի և նրա պատմության մասին անտեղյակ լինելն է։ Հետագայում տեսա, որ դրա հետևում գաղափարախոսությունն է՝ շատ պետությունների և էլիտաների քաղաքական խորը կապվածությունն Իսրայելի հետ։ Սակայն դա չի արդարացնում ցեղասպանությունը, որն այդքան ակնհայտ և ուղիղ եթերով հեռարձակվում է», - հավելել է հատուկ զեկուցողը։