Լուգանսկի նախկին քաղաքապետին պայթեցրել է կին մահապարտ-ահաբեկիչը

Ռուսաստանի Դաշնության կողմից գրավված Ուկրաինայի Լուգանսկում Ուկրաինայի անվտանգության ծառայությունն սպանել է Լուգանսկի նախկին «քաղաքապետ» Մանոլիս Պիլավովին։ Այս մասին հաղորդում է Украинская правда-ն՝ հղում անելով ԱԱԾ-ի տեղեկացված աղբյուրներին։

Նրանց տվյալներով՝ հուլիսի 3-ին Լուգանսկում ԱԱԾ-ն վերացրել է «քաղաքային վարչակազմի նախկին ղեկավար» Մանոլիս Պիլավովին։

Պիվալովը մահացել է պայթուցիկ նյութերի պայթյունի հետևանքով։

2015 թվականից ի վեր Պիլավովը հետախուզվում էր ԱԱԾ-ի կողմից։ Նրան մեղադրանք է առաջադրվել 3 հոդվածով՝ սահմանադրական կարգի տապալում (պետական ​​իշխանության զավթում), տարածքային ամբողջականության նկատմամբ ոտնձգություն և ահաբեկչական կազմակերպության ստեղծում։
Նախնական տվյալներով՝ «Լուգանսկի նախկին քաղաքապետ» Մանոլիս Պիլավովը պայթեցվել է կին մահապարտ-ահաբեկչի կողմից։ Այս մասին ՏԱՍՍ-ին հայտնել են օպերատիվ ծառայությունները։