«Պուտինի հետ զրույցից գոհ չեմ»․ Թրամփ

ԱՄՆ նախագահ Դոնալդ Թրամփն անդրադարձել է ՌԴ նախագահ Վլադիմիր Պուտինի հետ նախօրեին կայացած հեռախոսազրույցին։

«Մենք բավականին երկար զրույց ենք ունեցել։ Քննարկել ենք շատ հարցեր, այդ թվում Իրանի հարցը։ Մենք խոսել ենք նաև Ուկրաինայում ընթացող պատերազմի մասին, և այդ առումով ես գոհ չեմ»,- ասել է Թրամփը։

«Պուտինի հետ զրույցում որևէ առաջընթաց չեմ ունեցել»,- հավելել է նա։

Հիշեցնենք՝ Պուտինի և Թրամփի գրեթե մեկ ժամ տևած հեռախոսազրույցը տեղի էր ունեցել երեկ։ Դա երկու ղեկավարների միջև վեցերորդ հեռախոսազրույցն էր։