Հինգշաբթի, 31 հուլիսի, 2025 թ.
|
Ստեփանակերտում`   +22 °C

Ի՞նչ է ուզում բանակցել Թրամփը Նեթանյահուի հետ. Walla

Ի՞նչ է ուզում բանակցել Թրամփը Նեթանյահուի հետ. Walla
330
Կիրակի, 06 հուլիսի, 2025 թ., 23:32

ԱՄՆ-ի նախագահ Դոնալդ Թրամփը ցանկանում է վաղը Իսրայելի վարչապետ Բենիամին Նեթանյահուի հետ համաձայնության գալ Գազայում պատերազմի ավարտի պայմանների վերաբերյալ, Walla-ին հայտնել են ամերիկյան բարձրաստիճան աղբյուրները։
Հանդիպման կենտրոնական թեման կլինի այն հարցը, թե ով և ինչպես կկառավարի Գազայի հատվածը պատերազմից հետո։

ԱՄՆ-ի աղբյուրները նշել են, որ Թրամփը ցանկանում է լսել Նեթանյահուի դիրքորոշումն այս հարցի վերաբերյալ և փոխըմբռնման հասնել։

«Մենք ցանկանում ենք համաձայնեցված շրջանակի գալ այն մասին, թե ինչ կլինի Գազայում պատերազմից հետո», - ասել է ԱՄՆ-ի բարձրաստիճան պաշտոնյան։

«Պատերազմից հետո օրվա» ծրագիրը, որը կորոշի, թե ինչպես կկառավարվի Գազան առանց ՀԱՄԱՍ-ի, պատերազմն ավարտելու ցանկացած համաձայնագրի հիմնական տարրն է։

Եթե ժամանակավոր հրադադարի մասին համաձայնություն ձեռք բերվի, այս հարցը կդառնա Իսրայելի և ՀԱՄԱՍ-ի միջև բանակցությունների կենտրոնական թեման հրադադարի 60-օրյա ժամկետում։

Թրամփը և Նեթանյահուն կհանդիպեն Սպիտակ տանը հուլիսի 7-ի լույս 8-ի գիշերը (երկուշաբթի-երեքշաբթի)։

Կարդացե՛ք նաև