«Ցնցված ենք»․ Պեսկովը՝ պաշտոնանկ նախարարի ինքնասպանության մասին

1664

Երեքշաբթի, 08 հուլիսի, 2025 թ., 14:47

Տրանսպորտի նախկին նախարար Ռոման Ստարովոյտի մահվան լուրը չի կարող չցնցել նորմալ մարդուն, ասել է ՌԴ նախագահի մամուլի քարտուղար Դմիտրի Պեսկովը։
«Բնականաբար, մենք ցնցված ենք»,- նշել է նա։

Պեսկովի խոսքով՝ նախագահ Վլադիմիր Պուտինին անմիջապես տեղեկացրել են Ստարովոյտի մահվան մասին։

Հետաքննություն է ընթանում, հավելել է Պեսկովը։

Երկուշաբթի առավոտյան Ստարովոյտն ազատվել էր ՌԴ տրանսպորտի նախարարի պաշտոնից, այդ պաշտոնը նա զբաղեցնում էր 2024 թվականի մայիսից, մինչ այդ նա ղեկավարում էր Կուրսկի մարզը։
Նույն օրը Քննչական կոմիտեն հայտնել է, որ նախկին նախարարի մարմինը հայտնաբերվել է նրա անձնական մեքենայում՝ Օդինցովոյում։ ՔԿ-ն ինքնասպանությունը համարում է մահվան հիմնական վարկածը։