ԵԽ-ն դեմ է քվեարկել Ուրսուլա ֆոն դեր Լայենին անվստահության հայտնելու նախագծին

Եվրոխորհրդարանը ձայների մեծամասնությամբ դեմ է քվեարկել Եվրոպական հանձնաժողովի նախագահ Ուրսուլա ֆոն դեր Լայենին անվստահության հայտնելու նախագծին։

ԵԽ պաշտոնական կայքի տվյալներով՝ քվեարկության մասնակիցներից միայն 175-ն է կողմ քվեարկել անվստահություն հայտնելու առաջարկին։ 360 պատգամավոր դեմ է արտահայտվել, 18-ը մնացել են ձեռնպահ։

Եթե Ուրսուլա ֆոն դեր Լայենը քվեարկության արդյունքում տանուլ տար, ապա ստիպված կլիներ հրաժարվել պաշտոնից։

Եվրահանձնաժողովի ղեկավարի դեմ անվստահության քվեարկության նախաձեռնության հեղինակը ռումինացի պատգամավոր Գեորգե Պիպերեան էր։