Փարիզի դատարանն արդարացրել է Մակրոնի կնոջը տղամարդ անվանած լրագրողուհուն

Փարիզի վերաքննիչ դատարանն արդարացրել է լրագրողուհի Նատաշա Ռեյին, ով դատապարտվել էր Ֆրանսիայի նախագահ Էմանուել Մակրոնի կնոջը՝ Բրիջիտին, տղամարդ անվանելու համար՝ պնդելով, որ նա տղամարդ է ծնվել։ Այս մասին X սոցիալական ցանցում հայտարարել է Ռեյի փաստաբան Ֆրանսուա Դանգլեանը։

«Վերաքննիչ դատարանն արդարացրել է Նատաշա Ռեյին», - ասել է նա։

Նշվում է, որ Ռեյն այժմ մտադիր է դատական ​​հայց ներկայացնել Ֆրանսիայի ղեկավարի կնոջ դեմ՝ նրան մեղադրելով խարդախության մեջ։

Բրիջիտ Մակրոնը լրագրողուհուն մեղադրել էր զրպարտության մեջ։ 2024 թվականի սեպտեմբերին դատարանը նրան մեղավոր էր ճանաչել՝ նշանակելով 500 եվրո տուգանք և 8 հազար եվրո փոխհատուցում։ Նատաշա Ռեյի փաստաբանը հայտնել էր դատավարության ընթացքում խախտումների մասին և դիմել Մարդու իրավունքների եվրոպական դատարան։