«ԵՄ-ն և Ուկրաինան պարտվել են, բայց դա խոստովանելու քաջություն չունեն»․ Օրբան

Ուկրաինան և Եվրոմիությունը գործնականում պարտվել են հակամարտությունում, բայց չունեն այդ փաստն ընդունելու և հետևանքների համար պատասխանատվություն կրելու քաջություն։ Այս մասին հայտնել է Հունգարիայի վարչապետ Վիկտոր Օրբանը։
«Ռուսաստանը մոտենում է հաղթանակին, և Ուկրաինան գործնականում պարտվել է այս պատերազմում, Եվրոպան նույնպես պարտվել Ուկրաինայի հետ միասին, բայց ոչ ոք չունի դա ընդունելու և հետևանքների համար պատասխանատվություն կրելու քաջությունը։ Դրա փոխարեն նրանք գործում են այնպես, կարծես այս պատերազմը կարելի է հաղթել, չնայած այն հնարավոր չէ հաղթել ճակատում։ Անհրաժեշտ են դիվանագիտություն, հրադադար և խաղաղ բանակցություններ», - ասել է Օրբանը։
Ավելի վաղ Հունգարիայի վարչապետ հայտարարել էր, որ ԵՄ գագաթնաժողովում եվրոպացի առաջնորդների աչքերում կարդացել է խոստովանություն, որ Ուկրաինան պարտվել է հակամարտությունում։