«Ադրբեջանի մամուլի խորհրդի մեղադրանքները դատարկ են՝ ինչպես թմբուկը». Կիսիլյով

Ադրբեջանի մամուլի խորհրդի մեղադրանքները դատարկ են՝ ինչպես թմբուկը: Այս մասին «ՌԻԱ Նովոստի»-ին հայտնել է «Россия сегодня» մեդիա խմբի գործադիր տնօրեն Դմիտրի Կիսելյովը։
Ադրբեջանի մամուլի խորհուրդը նախկինում մեղադրանքներ էր առաջադրել ռուսական կողմին՝ պատասխանելով Ռուսաստանի լրագրողների միության բաց նամակին, որտեղ բողոք էր ներկայացվում «Sputnik Ադրբեջանի» աշխատակիցների ձերբակալության դեմ: Խորհրդի հայտարարության մեջ մեղադրանքներ էին պարունակվում Ռուսաստանի Դաշնության կողմից մեդիա կառույցը որպես «արտաքին քաղաքականության ազդեցության գործիք» օգտագործելու մասին։
«Ադրբեջանի մամուլի խորհրդի մեղադրանքները դատարկ են՝ ինչպես թմբուկը: Գործընկերները չեն կարող մեկ օրինակ բերել՝ հիմնավորելու իրենց այն թեզը, թե «Sputnik Ադրբեջանը», իբր, դիվերսիոն գործունեություն է ծավալել երկրում», - ասել է Կիսելյովը։
Հիշեցնենք՝ հունիսի 30-ին Ադրբեջանի իշխանությունները ձերբակալել են գործակալության յոթ աշխատակցի, այդ թվում՝ խմբագիր Իգոր Կարտավիխին և գլխավոր խմբագիր Եվգենի Բելոուսովին։