«Իրանը չի դադարեցրել համագործակցությունն ԱԷՄԳ-ի հետ». Արաղչի

Իրանի ԱԳ նախարար Աբբաս Արաղչին հայտարարել է, որ Իրանի համագործակցությունն Ատոմային էներգիայի միջազգային գործակալության (ՄԱԳԱՏԷ) հետ չի դադարել, հաղորդում է Mehr-ը։

«Մեր համագործակցությունը գործակալության հետ չի դադարել, այն պարզապես նոր ձև է ստացել։ Այսուհետ գործակալության հետ հարաբերությունները կիրականացվեն Ազգային անվտանգության բարձրագույն խորհրդի (ԱԱԲԽ) միջոցով։ Որոշումները կկայացվեն՝ հաշվի առնելով անվտանգությունը», - բացատրել է նախարարը։

Արաղչիի խոսքով՝ անվտանգությունը լուրջ խնդիր է հարձակման ենթարկված միջուկային օբյեկտներին մոտեցող տեսուչների համար։

«Փաստն այն է, որ մեր միջուկային օբյեկտները ենթարկվել են հարձակման, և այդ օբյեկտներին մոտ լինելը ներկայումս ռիսկեր է ստեղծում, այդ թվում՝ ռադիոակտիվ նյութերի տարածման կամ պայթյունների, և մենք կարծում ենք, որ անվտանգության և ապահովության հարցը մտահոգիչ է տեսուչների համար, երբ նրանք մոտենում են այդ օբյեկտներին», - ասել է Իրանի արտգործնախարարը։