Երեքշաբթի, 24 մարտի, 2026 թ.
|
Ստեփանակերտում`   +12 °C

Մակրոնի կինը կբողոքարկի իրեն տղամարդ անվանած կանանց արդարացնելու դատավճիռը

Մակրոնի կինը կբողոքարկի իրեն տղամարդ անվանած կանանց արդարացնելու դատավճիռը
1117
Երկուշաբթի, 14 հուլիսի, 2025 թ., 12:52

Ֆրանսիայի նախագահ Էմանուել Մակրոնի կինը՝ Բրիջիտ Մակրոնը, կբողոքարկի երկու կանանց արդարացնելու դատավճիռը, ովքեր նախկինում պնդում էին, որ առաջին տիկինը ծնվել է որպես տղամարդ, հաղորդում է Franceinfo ռադիոն՝ հղում անելով նրա փաստաբանին։

«Բրիջիտ Մակրոնը վճռաբեկ դատարանում կբողոքարկի երկու կանանց արդարացնելու դատավճիռը, ովքեր համացանցում լուրեր էին տարածել, որ առաջին տիկինը տրանսգենդեր է», - ասել է նրա փաստաբան Ժան Էննոշին։

Հինգշաբթի Փարիզի վերաքննիչ դատարանն արդարացրել էր անկախ լրագրող Նատաշա Ռեյին, ինչպես նաև երկրորդ կնոջը՝ Ամանդին Ռուային, որի YouTube ալիքում հանդես էր գալիս Ռեյը։