Երկուշաբթի, 06 ապրիլի, 2026 թ.
|
Ստեփանակերտում`   +9 °C

Սիրիայում զինված բախումների հետևանքով 30 մարդ է զոհվել

Սիրիայում զինված բախումների հետևանքով 30 մարդ է զոհվել
859
Երկուշաբթի, 14 հուլիսի, 2025 թ., 16:41

Սիրիայի հարավային Աս-Սուվեյդա նահանգում դրուզների և բեդվինների խմբերի միջև զինված բախումների հետևանքով զոհվել է 30 մարդ, մոտ 100-ը՝ վիրավորվել, հայտնել է Սիրիայի ՆԳՆ-ն։

Նախարարության տվյալներով՝ միջադեպերը տեղի է ունեցել Մակաուս շրջանում՝ պետական կառույցների բացակայության և անվտանգության ոլորտում շարունակվող վակուումի պայմաններում։

«Շարունակվող բռնությունը հասարակության մեջ աճող մտահոգություն է առաջացնում՝ չնայած լարվածության թուլացման բազմաթիվ կոչերին», - ասվում է հրապարակված հայտարարության մեջ։

Նախարարությունն ընդգծել է, որ դա անմիջական սպառնալիք է քաղաքացիական բնակչության համար։ Այս առումով, ՆԳՆ ուժերը, երկրի պաշտպանության նախարարության հետ համակարգված, ուղարկվել են տարածք՝ իրավիճակը կայունացնելու նպատակով։

Տեղական աղբյուրների փոխանցմամբ, զինվածմ բախումը սկսվել է այն բանից հետո, երբ երկու կողմերի ներկայացուցիչները խլել են միմյանց մեքենաները։ Հակամարտությունն արագորեն վերածվել է ծանր զենքի կիրառմամբ կատաղի մարտերի։