Ուկրաինան 10 միլիարդ դոլարի ամերիկյան զենք կստանա

ԱՄՆ-ի նախագահ Դոնալդ Թրամփը հայտարարել է, որ Ռուսաստանը «հսկայական ներուժ» ունեցող երկիր է, այնինչ այդ ներուժը նրա առաջնորդ Վլադիմիր Պուտինը վատնում է պատերազմի վրա: «Մարդիկ մահանում են, փողը ծախսվում է: Նայեք, թե ինչ է պատահել նրա տնտեսության հետ»,- ասել է նա։
Թրամփը նաև ասել է, որ ԱՄՆ-ն ցանկանում է ապահովել «մշտական խաղաղություն» Ուկրաինայում. «Բացի այդ, մենք ունենք որոշակի պարամետրեր, որոնք հայտնի են երկու կողմերին էլ: Եվ մենք արդեն գիտենք, թե ինչ անել»։

Այս ֆոնին Թրամփի հատուկ ներկայացուցիչ Քիթ Քելլոգը հայտարարել է, որ Ուկրաինայի նախագահ Վլադիմիր Զելենսկիի հետ քննարկել է Թրամփի՝ Կիևում ՆԱՏՕ-ի օգնությամբ Ուկրաինային ամերիկյան զենքի մատակարարումը արագացնելու ծրագիրը։

Axios-ին աղբյուրը հայտնել է, որ Ուկրաինան 10 միլիարդ դոլարի ամերիկյան զենք կստանա՝ որպես առաջին օգնության փաթեթի մաս։

Ըստ տեղեկությունների՝ ԱՄՆ-ն այս զենքը կվաճառի ՆԱՏՕ-ի դաշնակիցներին, սակայն Ուկրաինայի համար նախատեսված մատակարարումները ներառում են հրթիռներ, հակաօդային պաշտպանության համակարգեր և հրետանային արկեր։