Սիրիայի ՊՆ-ն կրակը դադարեցնելու հրաման է տվել

Սիրիայի Աս-Սուվեյդա քաղաքում հայտարարվել է հրադադար։ Համապատասխան հրամանը տվել է ժամանակավոր կառավարության կազմում Սիրիայի պաշտպանության նախարար Մուրհաֆ Աբու Կասրան։

«Մենք հրամայում ենք Աս-Սուվեյդա քաղաքում գործող բոլոր ստորաբաժանումներին լիովին դադարեցնել կրակը։ Թույլատրվում է միայն անօրինական կազմավորումների գործողություններին արձագանքել՝ ի պատասխան նրանց սադրանքներին»,- գրել է Աբու Կասրան՝ X-ում։

Ավելի վաղ Իսրայելն ավիահարվածներ էր հասցրել Սիրիայի Աս-Սուվեյդա քաղաքի մոտակայքում ժամանակավոր կառավարության զինյալների թիրախներին։