Ալ-Շարաան հեռախոսազրույց է ունեցել Թուրքիայի, Սաուդյան Արաբիայի, Կատարի ղեկավարների հետ

Սիրիայի անցումային կառավարության ղեկավար Ահմեդ Ալ-Շարաան հեռախոսազրույց է ունեցել Սաուդյան Արաբիայի, Թուրքիայի և Կատարի ղեկավարների հետ։ Այս մասին հայտնել է Sana գործակալությունը։

Ղեկավարները վերահաստատել են իրենց աջակցությունը Սիրիայի տարածքային ամբողջականությանը և դատապարտել են Իսրայելի հարվածները՝ դրանք անվանելով տարածաշրջանային կայունությանը սպառնացող վտանգ։ Նրանք դեմ են արտահայտվել արտաքին միջամտությանը և ընդգծել սիրիացի ժողովրդի ինքնիշխանության և անվտանգության կարևորությունը։

Ալ-Շարաան շնորհակալություն է հայտնել երկրներին իրենց համերաշխության համար և ընդգծել, որ Դամասկոսը կշարունակի հավատարիմ մնալ օրենքի և ազգային միասնության սկզբունքներին։ Իրավիճակի սրման մեջ նա մեղադրել է արտաքին ուժերին։