Ուրբաթ, 20 փետրվարի, 2026 թ.
|
Ստեփանակերտում`   +7 °C

Իսրայելը մարդասիրական օգնություն է ուղարկում Սիրիայի դրուզներին

Իսրայելը մարդասիրական օգնություն է ուղարկում Սիրիայի դրուզներին
681
Ուրբաթ, 18 հուլիսի, 2025 թ., 12:51

Իսրայելի արտաքին գործերի նախարար Գիդեոն Սաարը հրահանգել է շտապ փոխանցել մարդասիրական օգնություն Սիրիայի հարավում գտնվող դրուզ համայնքին, հաղորդել է Իսրայելի ԱԳՆ մամուլի ծառայությունը։

«Հաշվի առնելով Աս-Սուվեյդայում դրուզների վրա վերջերս տեղի ունեցած հարձակումները և տարածքում ստեղծված ծանր մարդասիրական իրավիճակը, ինչպես նաև տեղում առկա կարիքները, Իսրայելի ԱԳ նախարար Գիդեոն Սաարը հրահանգել է շտապ փոխանցել մարդասիրական օգնություն Աս-Սուվեյդայի դրուզներին։ 2 միլիոն շեկել (մոտ 600,000 դոլար) արժողությամբ օգնության փաթեթը կներառի սննդի փաթեթներ, բժշկական սարքավորումներ, առաջին բուժօգնության պարագաներ, դեղորայք», - ասվում է հայտարարության մեջ։

Նշվում է, որ մարդասիրական օգնության այս փաթեթը լրացնում է նախորդը, որն անցյալ տարվա մարտին ուղարկվել էր սիրիացի դրուզներին։