«Թրամփը կարծում է, որ Ուկրաինան պետք է հարձակման անցնի»․ #WP

180

Այսօր, 16:39

ԱՄՆ նախագահ Դոնալդ Թրամփը Ուկրաինայի նախագահ Վլադիմիր Զելենսկուն ասել է, որ Ուկրաինան պաշտպանության դիրքերում ոչնչի չի հասնի և պետք է անցնի հարձակման: Այս մասին հաղորդել է The Washington Post-ը։

«Հուլիսի 4-ին Զելենսկու հետ հեռախոսազրույցի ժամանակ Թրամփը նշել է, որ Ուկրաինան չի կարող փոխել պատերազմի ընթացքը միայն պաշտպանության դիրքերում՝ այն պետք է անցնի հարձակման», - թերթին ասել է անանուն ուկրաինացի պաշտոնյան։

Թրամփը նաև հարցրել է, թե արդյո՞ք Ուկրաինան կարող է «ռմբակոծել Մոսկվան կամ Սանկտ Պետերբուրգը», ինչին Զելենսկին պատասխանել է, որ դա հնարավոր է «համապատասխան զենք ունենալու դեպքում»: Այս մասին նախկինում հաղորդել էր The Financial Times-ը։

Հուլիսի 15-ին Սպիտակ տունը հերքել է, որ ԱՄՆ նախագահ Դոնալդ Թրամփը Զելենսկուն կոչ է արել նոր հարվածներ հասցնել Ռուսաստանի խորքում, այդ թվում՝ Մոսկվային։